Bisch Du en Fasnächtler ???

Wänn Du gern mit luschtige Lüüt fäschtisch
und bi gueter Musig automatisch mit em Fuess afangsch wippe,
dänn bisch bi eus  genau richtig!

Nach de Summerferie fanged mir mit de Probe a. Jewils am Zischtig Abig am achti.

Am letschte Wucheänd im Oktober händ mir euses Probeweekend. Alli Stückli bechömed dehte no ihre letschti Schliff, damit mer parat für d’Fasnacht sind. Det werdet dänn au eusi Junggugger tauft.....

Für d'Fasnacht reserviered mir öppe vier Wuchenänd. Mir lueged immer dass mer eus einersits i de Region zeiged sowie au wiiter ewäg gönd. I de letschte Jahr sind mer z.B. in Brissago, Chur, Martigny, Altstätten SG, Brig und Hallstatt (A) xi.

Und au suscht gits mängs luschtigs Fäscht. Eusi Mitglieder sind zwüsche 25 und 55 Jahr alt, es sind alli willkomme wo us Freud a de Sach gern debi sind. Mir chönd dir au biibringe, es Instrument z’spiele. Aber natürli sind au glernti Musiker willkomme!

Interessiert ???

Letzter Update: 05. Juli 2011